Solskjaer jep “OK” për shitjen e Paul Pogba

Ole Gunnar Solskjaer ka dhënë dritën jeshile për të larguar Paul Pogba. Trajneri i Mancester United sipas “Daily Star”, e ka nxjerrë në merkato francezin dhe tashmë është në pritje të ndonjë oferte sa më të mirë. Disa ditë më parë, Pogba shprehu dëshirën për të nisur një karrierë të re futbollistike.

26-vjeçari transalpin po ndiqet nga Real Madrid dhe Juventusi, teksa mesfushori është në dilemë të madhe, pasi i pëlqejnë të dyja skuadrat. Pogba ka qenë edhe më parë pjesë e bardhezinjve nga viti 2012 deri në 2016.

Solskjaer është i bindur që shuma që do të merret nga shitja e francezit, mund të përdoret në merkato për të përforcuar sa më shumë skuadrën, që vjen pas një sezoni shumë të vështirë. /R.Lika-Koha Jone/