Tifozët “tradhtojnë” yjet e Kombëtares sonë, ja sa bileta janë shitur për Bullgarinë

Kombëtarja shqiptare do të luajë nesër miqësoren ndaj Bullgarisë, me sfidën që do të nisë në orën 18:00. Ndryshe nga Republika Çeke, ku shitja e biletave ishte me ritëm të frikshëm dhe për tri orë u mbaruan të gjitha, për duelin ndaj ballkanasve ka interes të ulët.

Deri më tani janë shitur mbi 7 mijë bileta, ndërkohë që deri orën e ndeshjes pritet që numri të shkojë ndoshta deri në 10 mijë, duke përjashtuar ndonjë hov në orët e fundit.

Tifozët e vërtetë duhet të tregojnë se e duan Kombëtaren edhe në ndeshje të tilla miqësore, ku mund të shohin yjet e Sylvinhos, që deri më tani kanë shkëlqyer.