Vllaznia bie në Kategorinë e Parë, por U-19 shpallet kampione e Shqipërisë

Vllaznia U-19 është shpallur kampione e Shqipërisë në kampionatin për të rinjtë. Shkodranët mposhtën në finalen e luajtur në “Elbasan Arena” Flamurtarin, me rezultatin 2-1, falë golave të Repajt në minutën e 25-të dhe Grudës në të 67-ën, ndërsa për vlonjatët rihapi takimin Rrapaj në minutën e 82-të.

Pas Kupës së Shqipërisë, skuadra e drejtuar nga Luan Zmijani merr kështu edhe titullin kampion në Kategorinë Superiore për moshat U-19, ndërsa për të dytin vit radhazi do të marrë pjesë në UEFA Youth League.