Zidane: Ronaldo më i miri në botë, por goli im është më i bukur!

Trajneri i Realit të Madridit, Zinedine Zidane, nuk ka si të mos jetë i kënaqur pa fitores së thellë 3-0 të ekipit të tij ndaj Juventusit në çerekfinalen e parë të Champions League.

“Kur na nevojitet rezultati, jemi perfektë. Nuk është e lehtë të shënosh tre gola ndaj Juventusit në fushën e këtij të fundit. Kemi bërë një ndeshje të madhe por edhe ata kishin një moment të favorshëm për të shënuar, pa ia dalë. Kurse ne po.

Ronaldo? Po tregon se është më i miri në botë. Ai është një lojtar ndryshe nga të gjithë të tjerët. Ka gjithmonë dëshirën për të bërë gjëra të mëdha, nuk ngopet kurrë me atë që bën dhe pastaj është i aftë të bëjë gjithçka. Sot ka bërë dy gola, por edhe ka gabuar raste të tjera.

Gol më i bukur i cr7 apo ai i finales 2001? I imi”, u përgjigj strategu francez në intervistën pas ndeshjes.