ZYRTARE/ Britania e Madhe organizatore e Euro 2028, Italia dhe Turqia presin Euro 2032

Tashmë konfirmohet dhe zyrtarisht, UEFA i ka dhënë Kampionatin Evropian 2032 Italisë dhe Turqisë. Ekzekutivi i Konfederatës Evropiane, në Nyon, në fakt votoi “pro” për kandidaturën e përbashkët.

Caktimi i Romës dhe Stambollit ishte dukur i sigurt që nga zgjedhja e dy vendeve, tre muaj më parë, për t’u paraqitur së bashku, si kandidatura e vetme për edicionin që do të zhvillohet pas nëntë vitesh.

Kampionati Evropian 2028 i është dhënë Anglisë, Skocisë, Uellsit, Irlandës së Veriut dhe Irlandës, gjithashtu në këtë rast kandidatë unikë.