ZYRTARE/ Tirana merr vendimin për trajnerin Ardian Mema

Ardian Mema do të vijojë të jetë trajner i Tiranës edhe sezonin e ardhshëm. Lajmi është bërë publik nga klubi bardheblu nëpërmjet një njoftimi në faqen zyrtare në “Facebook”.

49-vjeçari ka firmosur kontratë 1-vjeçare me bardheblutë, me opsion për të vijuar sërish në drejtimin e skuadrës. Pas konfirmimit të Memës, klubi ka nisur punën për të ndërtuar një skuadër dinjitoze në sezonin e ardhshëm, e cila të mund të luftojë për fitimin e titullit kampion.

Postimi i klubit të Tiranës

Ardian Mema rikonfirmohet në krye të skuadrës. Një vit kontrate me opsionin për të vijuar sërish në drejtimin bardheblu.

Klubi ka nisur punën për të bërë gati skuadrën e sezonit të ri dhe i pari është rikonfirmuar trajneri.

Mema prej muajit Tetor ka marrë drejtimin e Tiranës dhe tani e nis nga e para sërish me skuadrën e sezonit 2019-2020.