Pas takimit që zhvilloi me ambasadoren e SHBA-së në Tiranë Yuri Kim, deputeti i PS-së, Eduard Shalsi thotë se biseda mes tyre ka qenë mes buxhetit të vitit 2023, artit, shahut dhe për muzikë.
Postimi i plotë
Një takim miqësor dhe i vlefshëm me Ambasadoren e Shteteve të Bashkuara të Amerikës Yuri Kim, ku e njohëm me prioritetet e punës së Komisionit Parlamentar për Ekonominë dhe Financat, si edhe funksionimin e tij.
Fillimi i diskutimeve intensive mbi buxhetin e vitit 2023; monitorimi i institucioneve të pavarura; mbështetja financiare për të vijuar me reformat e ndërmarra dhe sidomos atë në drejtësi, ishin temat e diskutimit mes nesh, ku nuk mungoi as e folura mbi artin, shahun dhe muzikën, të pranishme gjithmonë në zyrën time.
