Skena e një ”lufte” armësh, këtë mbrëmje ishte në Elbasan. Një 30-vjeçar i ka shpëtuar një atentati me armë zjarri.
”Për shkak të një konflikti të çastit, të ndodhur disa ditë më parë midis shtetasve E.M dhe A.B, shtetasi E.M, 38-vjeç ka qëlluar me armë zjarri pistoletë në drejtim të shtetasit A.B, 30-vjeç, banues në Elbasan, i cili ishte duke qarkulluar me automjetin e tij”,-informon Policia e Shtetit.
Fatmirësisht, nga të shtënat nuk ka persona të lënduar. Shërbimet e Policisë që ishin në patrullim kanë reaguar mënjeherë dhe janë vënë në ndjekje të autorit, i cili ka hedhur armën e zjarrit gjatë ndjekjes nga Policia dhe ka mundur të largohet.
