Vllaznia ka arritur një fitore të bukur 4-2 ndaj kampionëve në fuqi të Teutës në “Loro Boriçi” 4-2. Latifi zhbllokoi rezultatin për shkodranët që në minutën e 2-të të takimit, ndërsa Diagne realizon golin e dytë të në minutën e 7-të.
Shkodranët janë të papërmbajtshëm dhe Latifi shënon edhe golin e dytë personal dhe të tretin për skuadrën vendase. Durrsakët reaguan menjëherë dhe shkurtojnë diferencat me Hebaj, ndërsa Lorenco Vila çon në 3-2 rezultatin e pjesës së parë.
Në fraksionin e dytë, Fjoart Jonuzi lëshon një predhë nga jashtë zone dhe duke realizuar një gol shumë të bukur. Vllaznia rikthehet tek fitorja dhe mban vendin e katërt me 33 pikë.
