Pajtim Rrushi, vëllai i Fredi Rushit, personi i cili dyshohet se është vrasësi i biznesmenit Ruzhdi Hoxha, u ka thënë hetuesve se nuk mban mend asgjë nga ngjarja, pasi Covid-19 e kishte lënë me pasoja.
Ai nuk ka treguar asgjë për ngjarjen dhe ka mohuar të ketë pasur dijeni për vrasjen. Policia beson se pas ekzekutimit të Hoxhës, Fredi Rrushi i ka marrë celularin dhe e ka hedhur në afërsi të Shkollës së Bashkuar.
Celulari i viktimës u gjet nga një taksist i cili e shiti në një servis celularësh. Prokuroria nëpërmjet qelizave telefonike, bëri të mundur gjurmimin dhe gjetjen e celularit, ndërsa biseda e fundit e verifikuar edhe nëpërmjet kartës sim përkonin me viktimën Ruzhdi Hoxha.
