Dy ditë pas Kuvendit Kombëtar të Partisë Demokratike, ambasadorja amerikane në Tiranë ka postuar një mesazh në rrjetin social Twitter ku bën apel për distancim nga e kaluara.
YURI KIM, AMBASADORE E SHBA:
“Shumë diskutim këto ditë rreth historisë. Kur shohim përreth botës, shohim se e ardhmja u përket atyre që e kuptojnë historinë si një shkollë nga e cila duhet të nxirren mësime – jo një mauzole ose, më keq, një burg që bllokon të gjallët në të kaluarën. Le të zgjedhim të ardhmen mbi të kaluarën.”
Nënteksti ishte që shikojnë nga Basha e jo më nga Berisha!
Të shtunën partia demokratike mblodhi forumin e saj më të lartë, Kuvendin Kombëtar i cili miratoi ndryshimet në statutin e PD dhe zgjodhi 300 anëtarët e Këshillit Kombëtar. Ajo që ra në sy në këtë kuvend ishte pritja që iu rezervua ish-kryetarit Sali Berisha e mbështetja që Basha e Berisha i dhanë njëri-tjetrit. Ky është forumi i parë i Partisë Demokratike ku Berisha merr pjesë pas shpalljes non-grata nga Shtetet e Bashkuara.
