Nga protesta te mesazhi i Spiropalit/ PD: Po asgjësoni 15 bashki, duhet referendum! PS: Asnjë shërbim nuk largohet

Reforma e re Territoriale do të vendoset sonte, dhe kjo ka sjellë debate të forta në Kuvend dhe përplasje mes mazhorancës dhe opozitës, ndërsa protesta e thirrur nga PD u shoqërua me tensione dhe përplasje me policinë. Pati edhe shoqërime nga Policia, dhe kryebashkiakë që u futën tek turma, por protesta u shua pas disa orësh.

Kreu i Partisë Demokratike, Sali Berisha kundërshtoi projektin e mazhorancës për riorganizimin territorial, duke kërkuar që vendimmarrja t’u lihet qytetarëve përmes një referendumi. Berisha argumentoi se reforma nuk lidhet me përmirësimin e shërbimeve, por me interesa politike, ndërsa kërkoi që qytetarët të kenë mundësi të zgjedhin mes alternativave për organizimin territorial të vendit.

Të njëjtën linjë mbajti edhe kreu i grupit parlamentar të PD-së, Gazment Bardhi, i cili akuzoi mazhorancën se po shkel procedurat ligjore duke mos përfshirë në relacion mendimin e banorëve të zonave që preken nga ndryshimet. Bardhi kundërshtoi veçanërisht shkrirjen e Bashkisë së Divjakës dhe ngriti pikëpyetje mbi ruajtjen e Bashkisë së Vaut të Dejës, duke e lidhur këtë me interesa politike.

Edhe bashkëkryetari demokrat i Komisionit të Posaçëm për Reformën Territoriale, Luçiano Boçi, e kundërshtoi hartën e re, duke argumentuar se ndryshimet mund të ndikojnë në përfaqësimin, shërbimet dhe identitetin e zonave të ndryshme të vendit. Ai solli si shembuj zonat periferike të Tiranës dhe përfshirjen e Rinasit në territorin e kryeqytetit, duke kërkuar që vendimmarrja të bazohet te nevojat e komuniteteve.

Nga ana tjetër, mazhoranca e mbrojti reformën duke argumentuar se riorganizimi synon konsolidimin e njësive vendore dhe rritjen e kapaciteteve për ofrimin e shërbimeve. Arbjan Mazniku, një nga hartuesit e projektit, deklaroi se kalimi nga 61 në 46 bashki nuk nënkupton zhdukjen e shërbimeve apo të identitetit të qyteteve.

Sipas Maznikut, qytetarët do të vazhdojnë të kenë akses te shërbimet vendore, ndërsa përfaqësimi në këshillat bashkiakë do të ruhet në mënyrë proporcionale sipas popullsisë. Ai theksoi gjithashtu se 46 bashkitë e reja do të përfshijnë 77 qytete, duke argumentuar se emrat, historia dhe identiteti i tyre do të ruhen. Mazniku e cilësoi reformën territoriale të vitit 2014 si një proces që forcoi financiarisht bashkitë, ndërsa tha se një riorganizim i ri nevojitet për t’iu përgjigjur kërkesave në rritje për shërbime dhe investime.

Debatet politike u shoqëruan edhe me përplasje mes deputetëve. Në një debat me Gazment Bardhin, deputetja socialiste Elisa Spiropali deklaroi se nuk pranon të vihet nën presion apo shantazh dhe kritikoi mënyrën e organizimit të opozitës, duke e akuzuar atë për përqendrim rreth një individi. Ndërkohë, qëndrimi i deputetit socialist Vullnet Sinaj ndaj reformës ka ndryshuar. Pasi kishte shprehur më herët rezerva brenda grupit parlamentar, Sinaj raportohet se ka votuar pro draftit të mazhorancës për bashkimin e 15 bashkive. Vëmendja mbetet gjithashtu te qëndrimi që do të mbajë deputeti socialist Erion Braçe, i cili më herët ka shprehur kundërshtime ndaj reformës.

Jashtë Kuvendit, protesta kundër reformës është shoqëruar me tensione. Protestuesit tentuan të largonin barrierat metalike të vendosura nga policia, ndërsa efektivët përdorën gaz lotsjellës dhe spraj. Disa protestues u raportuan të lënduar dhe u transportuan me ambulanca drejt spitalit, ndërsa një qytetar u shoqërua nga policia.

Reforma territoriale e propozuar nga mazhoranca parashikon reduktimin e numrit të bashkive nga 61 në 46, përmes bashkimit të 15 njësive vendore. Mazhoranca e argumenton projektin me nevojën për rritjen e kapaciteteve dhe përmirësimin e shërbimeve, opozita kundërshton mënyrën e hartimit të tij dhe kërkon përfshirjen e drejtpërdrejtë të qytetarëve në vendimmarrje.

Lexoni edhe:

PS kërkon 46 bashki, Luçiano Boçi: Jemi përballë një rreziku pushtues, ka si synim shpopullimin e Shqipërisë

Debati në Kuvend, Berisha: Bashkitë u shkrinë, investimet u zhdukën dhe qytetarët nuk dëgjohen

Reforma territoriale, Manja: Pse 46 bashki dhe jo 100? Lojë kungulleshkash

Çfarë ndodh me 15 bashkitë që shkrihen? Mazniku jep përgjigje për 3 shqetësimet kryesore të qytetarëve

Mazniku mbron hartën për 46 bashki: Njerëzit nuk jetojnë në hartë, por aty ku ka rrugë, ujë dhe shërbime

Sot te parlamenti me shumë policë se sa protestues!

Ndarja territoriale, Bardhi në Kuvend: Pse shkrihet Divjaka dhe jo Vau i Dejës? E kërkoi Tom Doshi?

Ndarja territoriale, Bardhi në Kuvend: Pse shkrihet Divjaka dhe jo Vau i Dejës? E kërkoi Tom Doshi?

Përplasje Berisha-Klosi për Territorialen, deputeti i PS-së: Do t’i fitojmë të gjitha bashkitë

Replikë mes Çaushit dhe Baçit, deputetja e PS ironizon Bardhin: Fierakët janë meraku i kreut të grupit

Sërish tensione në protestë, tubuesit përplasen me policinë, përdoret gaz lotsjellës

Kreu i Fushë-Arrëzit në protestë, Curri: Shkrirja e bashkive prek 300 mijë qytetarë

Bardhi: Je nën presion nga Rama. Shpërthen Spiropali: S’më shantazhon njeri mua, përfundon aty ku e ka vendin

Sot votimi për 46 bashki, Berisha thirrje socialistëve: Territorialen çojeni në referendum, të vendosë populli

Bardhi në Kuvend: Të ndalet dhuna ndaj qytetarëve. Rama të japë llogari, është interpelanca e 11-të që refuzohet

Protestuesit hedhin tymuese drejt efektivëve

Deputeti i PD futet mes protestuesve, ka një kërkesë për policinë…

Kaos para Kuvendit, kryebashkiaku Malaj përplaset me Policinë

Tensione para Kuvendit, policia hedh spraj lotsjellës drejt protestuesve

Duhen 84 vota në Kuvend për 46 bashki, deputeti socialist Vullnet Sinaj ndryshon qëndrim

Berisha: Rama, terror deputetëve të vet për votimin e Reformës Territoriale

PS në kërkim të 84 votave për 46 bashki, në mbledhjen e grupit të PS mungon Balluku

1500 efektivë në gatishmëri për protestën para Kuvendit