Vendimi i gjykatës kushtetuese ka patur ndikimin e kryebashkiakut Tiranës, Erion Veliaj si dhe të ambasadorit të BE, Soreca- kështu akuzon AMT.
Aleanca për Mbrojtjen e Teatrit akuzon ambasadorin e BE, Soreca për ndikim të paligjshëm në Gjykatën Kushtetuese, në favor të Veliajt në lidhje me çështjen e Teatrit.
“Sot u paraqitëm për herë të 12 në SPAK me kallëzime penale përveç 10 kërkesave të ndryshme që kemi bërë. Kallëzimi i sotëm është kundër ambasadorit të Bashkimit Evropian, Luigi Soreca i cili në bashkëpunim me kryetarin e bashkisë Tiranë, Erion Veliaj ka ushtruar ndikim të paligjshëm në Gjykatën Kushtetuese në lidhje me çështjen e Teatrit,” tha Kalaja.
Zonja Kalaja tha se i ka kërkuar Presidentit Meta dhe ministres së Jashtme Xhaçka për ta shpallur “non grata” ambasadorin e BE-së.