Artistë ndërkombëtarë kanë dalë në mbrojtje të Venecias. Nëpërmjet një letre të hapur drejtuar qeverisë italiane, 21 personalitete përfshirë liderin e grupit muzikor “Rolling Stones” Mick Jagger, aktoren skoceze Tilda Swinton dhe regjisorë të famshëm shprehën zemërimin në lidhje me ankorimin e anijeve turistike në lagunën e Venecias.
Artistë ndërkombëtarë, përfshirë liderin e grupit muzikor Rolling Stones, Mick Jagger Mick Jagger dhe aktorja skoceze Tilda Swinton kanë mbështetur një thirrje që i kërkon qeverisë italiane një ligj të veçantë për të mbrojtur Venecian.
Një letër e hapur, hartuar nga Fondacioni i Trashëgimisë Veneciane dhe e nënshkruar nga 21 personalitete të profilit të lartë nga bota e artit dhe kulturës i është dërguar presidentit italian, Sergio Mattarella dhe kryeministrit, Mario Draghi, duke bërë thirrje për veprim urgjente për të ndaluar trafikun e anijeve të mëdha në lagunë.
“Ky nuk është një koleksion nënshkrimesh thjesht për të përmendur emrat, është një koleksion i nënshkrimeve të njerëzve që vijnë shpesh në Venecia dhe që ne i njohim “, tha Toto Bergamo Rossi, presidenti i Fondacionit të Trashëgimisë Veneciane.
Thirrja erdhi pasi u mësua se anija e parë e lundrimit pas bllokimit, MSC Orchestra, do të lundronte Sheshin e Shën Markut të Shtunën, pavarësisht se qeveria në fund të Marsit ndaloi anijet e lundrimit drejt qendrës historike.
Letra, e hartuar me ndihmën e ekspertëve, rendit 10 pika të konsideruara thelbësore për mbijetesën e Venecias, të cilat duhet të vendosen në ligj. Ato përfshijnë përfundimin e punimeve në projektin e vonuar për shmangien e përmbytjeve, ndalimin e anijeve të lundrimit nga laguna dhe mbrojtjen e ekosistemit të saj; kufizimi i numrit të turistëve dhe menaxhimi më i mirë i rrjedhës, etj.
Ndër nënshkruesit e tjerë të letrës janë regjisorët Francis Ford Coppola dhe James Ivory; artisti Anish Kapoor etj.
Anijet turistike në Venecia kanë qenë një burim polemikash për vite me radhë. Në Mars, qeveria u dha dritën jeshile planeve për të ndaluar anijet nga zona përreth qendrës së qytetit të Venecias, për t’u vendosur në një port jashtë lagunës veneciane. Numri i turistëve një vit para pandemisë në Venecia shkoi në 28 milion.
