Sekretari Amerikan i Shtetit, Antony Blinken po zhvillon për herë të parë një vizitë zyrtare në Tiranë. Së bashku me kryeministrin Edi Rama, ata janë takuar tek Piramida e Tiranës me 100 të rinjtë shqiptarë që kanë përfituar nga programet edukative amerikane.
Gjatë fjalës së tij, Rama i ka uruar mirëseardhjen në Tiranë sekretarit Blinken. ”Shumë nga pronarët e kësaj Piramide do donin të ishin këtu, por protokolli i Departamentit të Shtetit nuk i lejoi. Ne emër të të gjithë Shqiptarëve iu uroj mirëseardhjen dhe siç thotë edhe ligji ynë prej 500 vjetësh, “shtëpia e shqiptarit i përket Zotit dhe mikut”. Mirësevini në Shqipëri miku im, ne nuk jemi aq të mëdhenj sa vendet e tjera, por jemi të parët për dedikimin tonë dhe nuk jemi aq të mërzitshëm sa vendet e tjera janë”,-u shpreh Rama.
Nga ana e tij, sekretari Blinken ka vlerësuar mikpritjen e Shqipërisë, ndërsa ka vlerësuar po ashtu edhe kryeministrin Edi Rama. ”Mirëdita të gjithëve, ju falënderoj për këtë mirëpritje të mrekullueshme në vendin e shqiponjave. E ndjej ambientin e ngrohtë jashtë dhe ngrohtësinë në këtë dhomë dhe çdo dhomë tjetër që kam qenë në Tiranë, nuk mund t’ju shpjegoj se sa mirënjohës jam. Jam i lumtur që të jem sot me ju të festojmë arritjet e këtyre programeve është një moment i rëndësishëm, falënderoj Devid Wisner që po drejton aktivitetet e ambasadës së SHBA-së dhe sidomos Edin, z kryeministër jam shumë i lumtur, ju i keni dhënë drita të bukura këtij qyteti”,-tha Blinken.
Nga Dua Lipa te Mira Murati, sekretari Blinken flet për shqiptarët që kanë ”pushtuar” botën
Rama me Blinken tek Piramida: Diktatori Hoxha që na mësoi t’iu urrenim, po rrotullohet në varr tani
