Bashkimi Evropian do të vendosë kushte për të punuar me regjimin taleban, për të ofruar ndihmë për popullin e Afganistanit. Kështu ranë dakord ministrat e jashtëm evropianë në Slloveni të premten, pa e bërë të qartë se çfarë do të bënin nëse linjat e tyre shkelen.
“Për të mbështetur njerëzit e Afganistanit, do të na duhet të flasim me qeverinë e re të Afganistanit,” tha Josep Borrell, ministri i jashtëm i Bashkimit Europian.
“Talebanët duhet fillimisht të sigurojnë që Afganistani të mos presë terroristë të cilët mund të fillojnë sulme ndaj vendeve të tjera, si në të kaluarën, nëse duan bashkëpunim dypalësh,” tha Borrell.
Regjimi i ri duhet të respektojë të drejtat e njeriut, veçanërisht të drejtat e grave dhe lirinë e shtypit. Të formojë një qeveri gjithëpërfshirëse, të lejojë qasje të papenguar në ndihmën humanitaretalib
dhe të lejojë shtetasit e huaj dhe afganët më të prekshëm të largohen nga vendi, shtoi spanjolli.
