Antonio Conte është në tratativa konkrete me skuadrën e Tottenham. Mediat italiane bëjnë me dije aktualisht se po diskutohen kushtet dhe gjatësia e kontratës. Skuadra londineze është kujdesur t’i shpjegojë projektin trajnerit italian në lidhje me lojtarët që pritet të vijnë.
Ndërkohë një tjetër italian ka marrë ofertë nga londinezët, këtë herë për rolin e drejtorit sportiv. Fabio Paratici la Juventusin këtë verë dhe është pa një punë për momentin. Tottenham ka bërë ofertën e saj konkrete dhe prej ditësh po pret përgjigjen e ish-juventinit, i cili tashmë është i lirë.