Autoritetet veneciane po hetojnë pasi një pjesë e ujit të Venecias është shndërruar në të gjelbër fluoreshente prej mëngjesit të djeshëm.
Prefekti ka thirrur një takim urgjent me policinë për të hetuar origjinën e ujit.
Deri tani nuk ka ende një përgjigje. Monstratce marra nga uji janë dërguar në laborator.
Fenomeni u vu re fillimisht rreth orës 9:30 të mëngjesit dhe u rrit ngadalë, sipas imazheve të shumta të postuara në mediat sociale, të cilat tregonin gondolat, taksitë e ujit dhe varkat e ujit duke kaluar nëpër substancën smerald.
Këshilltari i qytetit Andrea Pegoraro fajësoi menjëherë aktivistët mjedisorë që kanë sulmuar vendet e trashëgimisë kulturore italiane muajt e fundit.
Grupi Ultima Generazione, i cili derdhi qymyr në shatërvanin Trevi në Romë fundjavën e kaluar, i tha CNN kur u pyet nëse kishin dorë pas ujit të gjelbër, “Nuk ishim ne”.
Teori të ndryshme u shfaqën në internet, duke përfshirë se mund të jetë alga ose një substancë e shpërndarë ilegalisht në kanal.
Kjo nuk është hera e parë që Kanali i Madh i Venecias ka pësuar një ndryshim ngjyrash.
Në vitin 1968, artisti argjentinas Nicolás García Uriburu ngjyrosi ujërat e kanalit të gjelbër me një ngjyrë fluoreshente të quajtur Fluorescein, gjatë Bienales vjetore të Venecias. Lëvizja u krijua për të tërhequr vëmendjen ndaj çështjeve ekologjike dhe marrëdhënieve midis natyrës dhe qytetërimit.
