Për ngjarjet kriminale, dje ministri i Brendshëm Bledi Çuçi hodhi akuza për sistemin e drejtësisë, por tha edhe se do të ketë një ndryshim të thellë me titullarët e strukturave të policisë së shtetit.
Në të 12 drejtoritë e vendit do të preken nga lëvizjet. Shumica e tyre do të jenë zëvendësime, ndërsa për qarkun e Elbasanit të Shkodrës, Vlorës e Durrësit aty ku janë shënuar dhe ngjarjet më të rënda kriminale pritet ndërhyrje në të gjitha nivelet duke sjellë emra të rinj.
Të njëjtën gjë tha dhe eksperti i sigurisë Fatjon Softa, ku u shpreh se policia ka nevojë për gjak të ri dhe jo riciklim të uniformave të vjetra. Sipas tij ndërhyrjet janë të nevojshme, sepse krimi ka arritur të depërtojë edhe në polici.
