Në një artikull në mediat shtetërore të Koresë së Veriut, thuhej se shtimi i përleshjeve me grupet palestineze ishte rezultat i veprimeve kriminale të Izraelit. Artikulli theksonte se zgjidhja kryesore e konfliktit është një shtet i pavarur palestinez.
Në artikullin e botuar në Rodong Sinmun, organi mediatik i Komitetit Qendror, thuhej se një konflikt i armatosur në shkallë të gjerë shpërtheu midis Hamasit dhe Izraelit.
“Komuniteti ndërkombëtar është i mendimit se konflikti është rezultat i veprimeve të vazhdueshme kriminale të Izraelit kundër popullit palestinez”, thuhet ndër të tjera në këtë artikull.
