Një kopje jashtëzakonisht e rrallë e Kushtetutës së SHBA-së, u shit në Nju Jork për 43.2 milionë dollarë, duke u bërë dokumenti historik më i shtrenjtë që është shitur ndonjëherë në ankand.
Dokumenti është një nga vetëm 11 kopjet e mbetura të Kushtetutës së nënshkruar më 17 Shtator 1787, në Sallën e Pavarësisë nga themeluesit e Amerikës. Të ardhurat nga shitja do të shkojnë për një fondacion i cili merret me të kuptuarit e demokracisë në SHBA.
E hartuar gjatë takimeve sekrete në Filadelfia, Kushtetuta e SHBA hodhi themelet për demokracinë amerikane dhe garantoi të drejtat themelore të qytetarëve.
