Sot Festa e Hashures, Kryegjyshi Botëror uron besimtarët bektashinj

Me një mesazh të tillë, Kryegjyshi Botëror, baba Edmond Brahimaj, ka uruar sot të gjithë besimtarët bektashinj, me rastin e Festës së Hashures.

“Me këtë rast uroj dhe bekoj të gjithë besimtarët myslimanë bektashinj në 31 vende të botës, por edhe të të gjithë besimeve të tjera”, tha gjithashtu ai.

Kujtojmë se Festa e Hashures është një ndër festat më të rëndësishme për besimtarët bektashinj, që e konsiderojnë si ditën e martirizimit të Imam Husejnit. 

Sipas këtij besimi, Imami u rrethua në shkretëtirën e Qerbelasë 1400 vite më parë dhe u vra së bashku me një numër të madh besimtarësh të tjerë. Festa e Hashures vjen pikërisht pas 10 ditësh agjërimi gjatë të cilave përkujtohet kjo masakër.