Toma Basic është futbollisti i radhës që ka rënë pre e grabitjeve. Mesfushori kroat i Lazios ka kaluar momente tmerri gjatë ditës së sotme. 25-vjeçarit i është grabitur një orë Rolex në zonën Parioli të kryeqytetit italian.
Basic po shkonte në një drekë me shokët e skuadrës, teksa një person me fytyrë të mbuluar e ka kërcënuar sapo ka zbritur nga makina e tij.
Lojtarit nga Zagrebi i është drejtuar arma përpara fytyrës, duke e detyruar që tu dorëzonte orën e shtrenjtë grabitësit.
