Presidenti Ilir Meta ka reaguar për përplasjen mes Federatës Shqiptare të Futbollit dhe Bashkisë së Tiranës, kjo në lidhje me zgjedhjet në shoqatën rajonale të futbollit Tirana.
Përmes një postimi në Twitter, Meta thotë se zgjedhjet në FSHF duhet të jenë të lira dhe transparente.
“Të papranueshme dhe të dënueshme tentativat brutale të politikës, jo për herë të parë, për të ndërhyrë me presion dhe shantazh në zgjedhjet e FSHF që duhet të jenë të lira, paqësore, të pavarura, transparente dhe me integritet”, shkruan Meta.
