Ministri i Brendshëm, Taulant Balla foli për ndryshimet në ligjin “Për shtetësinë”. “Vlerësoj edhe amendamentet që deputetët e PS-së kanë depozituar dhe që zgjidhin një sërë problematikash. Një rast i tillë ka të bëjë me aplikimin për të marrë shtetësinë shqiptare të djemve e vajzave shumë të talentuar që mund të japin kontribut për ekipet kombëtare në sport”, tha ai.
Po ashtu Balla e cilësoi këtë një vendimmarrje historike për të çuar para një qasje të rëndësishme që vendi amë ka përkundrejt të gjithë atyre që aplikojnë për të marrë pasaportat me natyralizim.
Ministri u bëri apel të gjithë shqiptarëve që jetojnë jashtë territorit që të deklarojnë adresën e tyre. ”Nëse në vitin 2025 mundësojmë votën e emigrantëve dhe ata të kenë përfaqësuesit e tyre në Kuvendin e Shqipërisë kjo kalon përmes kësaj. Në votim mund të marrin pjesë vetëm ata që kanë kaluar në një proces të tillë”,-tha Balla.
