Lefter Maliqi, socialistëve: Ky president ju solli në qeveri! Meta edhe 30 vjet në politikë

Deputeti Lefter Maliqi, në fjalën e tij të mbajtur në parlament, iu drejtua deputetëve socialitë, teksa u tha se presidenti Ilir Meta i solli në pushtet në 2013.

Maliqi deklaroi se Ilir Meta do të jetë edhe 30 vjet në politikë, duke shtuar se vota e tij personale është kundër shkarkimit të kreut të shtetit.

“Jeni kryetradhtarë për masakrën elektorale, drogën dhe krimet. Sot është një fletë-rrufe e dytë e Komisionit Hetimor. Vota ime është kundër shkarkimit të presidentit. Meta iu dha qeverinë dhe do e keni edhe së paku 30 vjet në politikë.

Votimi do jetë monist si më 2019, sepse parlamenti ka dy vjet që është i kapur, ka punuar kundër interesave të shqiptarëve, kjo qeveri ka përdorur kriminelët në zgjedhje”, deklaroi ndër të tjera Maliqi.