Presidentja e Kosovës, Vjosa Osmani, zhvilloi këtë të enjte nje takim me kongresmenin amerikan Mike Turner, të cilit i tha se Kosova ka bërë hapa përmbajtësor për zbutjen e tensioneve në veri.
Ajo akuzoi Serbinë për destabilizmin e situatës përmes “bandave kriminale”. Siç bëri të ditur presidenca përmes një njoftimi, Osmani theksoi rëndësinë e zbatimit të plotë të të gjitha detyrimeve që dalin nga Marrëveshja e Brukselit dhe aneksi i Ohrit. Raportet e Kosovës me SHBA, presidentja Osmani i ka cilësuar strategjike dhe ekzistenciale ndaj falënderoi kongresmenin për mbështetjen ndër vite.
Kongresmeni mbërriti në Kosovë një ditë pas vizitës në Beograd, ku u takua me presidentin e Serbisë, Aleksandar Vuçiq dhe kryeministren Ana Bërnabiç. Me ta bisedoi për marrëdhëniet Uashington-Beorgad si dhe për dialogun mes Kosovës dhe Serbisë.
