Në kohën që Lionel Messi ishte në fluturim nga Barcelona në Paris për t’iu nënshtruar ekzaminimeve mjekësore dhe nënshkrimit të kontratës së tij dyvjeçare me PSG, Neymar mori hapin e mikpritjes i pari.
Braziliani 29-vjeçar mirëpriti argjentinasin 34-vjeçar përmes një historie që postoi në Instagram.
“Së bashku përsëri”, shkroi në anglisht për mikun e tij “të ngushtë” për katër vjet (2013-2017) në Barcelonë, ndërsa në sfond ishin momentet festive të të dyve në Blaugrana.
