Një ngjarje e pazakontë ka ndodhur në Francë ku protagonist ishte një 33-vjeçar shqiptar, T.M., i cili ka hyrë në një kishë gjatë kremtimit të meshës dhe ka thirrur “Allahu Akbar”.
Mediat e huaja shkruajnë se ngjarja ka ndodhur në qytetin Montpellier, ku shqiptari i paarmatosur është larguar menjëherë nga kisha duke mos shkaktuar ndonjë problem.
Më pas janë njoftuar patrullat e policisë, të cilat kanë ndaluar të riun shqiptar dhe e kanë marrë në pyetje në komisariat.
Para zyrtarëve policorë, i riu që u zbulua se ndodhej ilegalisht në Francë, ka treguar se në fakt ka bërë një “shaka pa kripë”, teksa ishte nën efektin e alkoolit.
Një shaka e cila përfundoi me arrest.
