Ali Soue merr trofeun e “Këpucës së Artë” dhe çekun para finales

Ka startuar finalja e Kupës së Shqipërisë në stadiumin “Elbasan Arena”, teksa fillimisht është zhvilluar edhe ceremonia simbolike për golashënuesin më të mirë të këtij edicioni në Kategorin Superiore, Ali Soue.

Sekretari i Përgjithshëm, Ilir Shulku i ka dorëzuar sulmuesit të Skënderbeut trofeun e fituar falë 21 golave të shënuar në këtë kampionat me skuadrën korçare.

Shulku i dorëzoi atij edhe çekun prej 200 mijë lekësh të reja që i jepet golashënuesit më të mirë të Superiores. Sulmuesi është në formë huazimi këtë sezon, dhe pritet që të largohet gjatë kësaj vere.