Atletico fiton ndaj Girona-s, vendos dopieta e Correa-s

Atletico Madrid ka arritur të marrë një fitore 2-1 në “Wanda Metropolitana” përballë Gironas.

Angel Correa ishte heroi i vendasve me dy golat e shënuar. Argjentinasi zhbllokoi takimin në minutën e pestë pas një asisti të Griezmann, ndërkohë që në minutën e 48-të shfrytëzoi një gafë të portierit kundërshtar për të festuar përsëri.

Girona reagoi dhe shkurtoi diferencën në minutën e 66-të me anë të Rodrigo Riquelme. Atletico gjithsesi mbrojti avantazhin deri në fund, dhe tashmë mban vendin e tretë me 16 pikë.