Belgjika në ankth, Lukaku rrezikon seriozisht Botërorin

Belgjika është në ankth, pasi një nga futbollistët më të rëndësishëm, Romelu Lukaku, rrezikon seriozisht që të mos ta shohim në Kupën e Botës.

Sulmuesi i Interit, i cili ka shënuar 68 gola në 102 ndeshje me kombëtaren e tij, prej disa javësh po vuan nga një dëmtim. Rikthimi në fushë në duelin ndaj Viktoria Plzen duket se ishte i nxituar.

Për këtë arsye, të premten, me shumë mundësi do të merret një vendim përfundimtar nga mjekët e Belgjikës në lidhje me fatin e sulmuesit. Lukaku me fizikun e tij është një ndihmë e madhe për yjet e Belgjikës për të qenë më të frikshëm në aksionet sulmuese. /R.Lika-Koha Jonë/