Më pak pasime se Caballero, ja statistikat që tregojnë se Messi ishte “fantazmë”

Lionel Messi ka përfunduar në qendër të kritikave pas humbjes së thellë 3-0 të Argjentinës mbrëmjen e djeshme ndaj Kroacisë. Ylli i Barcelonës zhvilloi një ndeshje nën mesatare ndaj Kroacisë dhe statistikat e tregojnë këtë gjë.

Gjatë gjithë sfidës, Messi dha vetëm 31 pasime, më pak madje edhe sesa portieri Caballero, i cili pasoi 36 herë. Edhe mbrojtësit Mercado (49), Otamendi (72) dhe Tagliafico (84) pasuan më shumë sesa numri 10 i Argjentinës.

Messi goditi vetëm një herë në portë dhe u përpoq të driblonte 9 herë.

Gjithashtu, përshkoi 7,6 kilometra në fushë, kur mesatarja e skuadrës ishte 9. Por, bie në sy se 84% të këtyre kilometrave Messi i ka bërë duke ecur dhe ka realizuar vetëm 29 vrapime. Statistika që tregojnë se “Pleshti” ishte një fantazmë në fushën e lojës.