Coutinho: Mëkat nëse nuk fitonim, ja sekreti i golave ndaj Kosta Rikës

Philippe Coutinho ishte sërish vendimtar për Brazilin në fitoren 2-0 arritur ndaj Kosta Rikës. Mesfushori i Barcelonës shënoi golin e parë në minutën e 90-të, duke i hapur rrugën e fitores së parë në Kupën e Botës.

“Do të ishte një mëkat po të mos e fitonim këtë ndeshje. Fakti që luajtëm si skuadër deri në fund bëri diferencën në fund, ishim kompakt dhe nuk u tërhoqëm në asnjë moment. Kur nuk shënon bëhesh nervoz, por ruajtëm qetësinë edhe përtej limiteve, duke korrur një fitore të rëndësishme.

Goli im? Për mua nuk ka shumë rëndësi në aspektin personal, por rëndësi ka që morëm 3 pikët, që janë më të rëndësishme. Tani jemi më të qetë”, u shpreh  Philippe Coutinho.