De Gea mund të divorcohet me Manchester United pas 12 vitesh

David De Gea gjithnjë e më larg Manchester United. Portierit të Djajve të Kuq i ka skaduar kontrata dhe ka gjithnjë e më shumë gjasa që më 30 qershor t’i japë fund aventurës 12-vjeçare.

Sipas asaj që raporton “The Athletic”, arsyet janë thjesht ekonomike, me anglezët që kanë propozuar një rinovim shumë më të ulët se pritshmëritë e portierit.

Megjithatë, negociatat nuk u ndalën dhe prandaj është e mundur që palët të afrohen. Në gjendjen aktuale, De Gea merr 350,000 paund në javë, një shifër që konsiderohet shumë e shtrenjtë nga pronarët aktualë. /R.Lika-Koha Jonë/