E bujshme nga Italia, Juventus “lëviz kartat” për Ançelotin

Ditë reflektimi në shtëpinë e Juventusit, pas disfatës së rëndë 3-0 ndaj Realit. Në pritje për të mësuar verdiktet përfundimtare të këtij sezoni, bardhezinjtë po lëvizin edhe në merkato, teksa kanë filluar sondazhet e para për Karlo Ançelotin.

Në rast të një lamtumirë të mundshme të Alegrit në fund të sezonit, tekniku italian është zgjedhja e parë, pasi ka mbetur pa skuadër pas shkarkimit nga Bajerni. “Mbreti” Karlo asnjëherë nuk e ka fshehur dëshirën për të drejtuar sërish në Premier League, ndërkohë që Torino do të ishte një rikthim për të.

Ançeloti ishte pasuesi i Lipit në shkurtin e 1999, duke fituar dy kampionate radhazi, ndërkohë që dy herë u rendit në vendin e dytë pas Lacios dhe Romës. Tifozët e Juves nuk është se kanë një simpati të madhe për të, pasi ka një të kaluar me Milanin dhe Romën. /Koha Jonë/