Fiorentina mund Romën në “Olimpiko”, Simeone gol magjik (VIDEO)

Roma vijon momentin negativ në Seria A. Pas humbjes në Champions ndaj Barcelonës, kryeqytetasit janë mundur 2-0 në shtëpi nga Fiorentina.

Vjollcët gjetën rrugën e rrjetës që në minutën e 7-të, pasi Benasi përfitoi nga një rrëmuje në zonën e verdhekuqve. Miqtë luajnë mjaft mirë dhe 5 minuta nga fundi i pjesës së parë shënojnë dhe golin e dytë me Simeonen, i cili realizon një gol të mrekullueshëm pas një veprimi të bukur në zonë.

Roma tashmë rrezikon që të humbasë vendin e tretë me një fitore të mundshme të Interit nesër ndaj Torinos.  Atalanta ndërkohë barazoi 1-1 në transfertë ndaj Spalit. /Koha Jonë/