Formacionet zyrtare/ Danimarka kërkon të sigurojë kualifikimin ndaj Australisë

E enjtja në Kupën e Botës sjell duele shumë interesante, teksa në stadiumin “Cosmos Arena”, Danimarka do të tentojë që të sigurojë kualifikimin përballë Australisë.

Të dyja kombëtaret vinë me humor të ndryshëm në këtë sfidë edhe pse Australia pavarësisht humbjes ndaj Francës në sfidën debutuese zhvilloi një lojë shumë të mirë duke vënë në vështirësi një nga përfaqësueset më të forta në botë.

Nordikët të frymëzuar nga ylli i skuadrës Cristian Eriksen do të synojnë fitoren e dytë në grup pas asaj ndaj Perusë që do t’i kualifikonte në fazën tjetër. Ndërkohë që Australia ka si objektiv të marrë pikët e para dhe t’i bëjë një surprizë të hidhur Danimarkës.