French Open/ Cecchinato “befason” Djokovic, e eliminon nga turneu

Ditën e sotme është regjistruar surpriza e parë në “French Open”. Marco Cecchinato ka kaluar në fazën gjysmëfinale të turneut, pasi ka eliminuar as më shumë dhe as më pak por, Novak Djokovic.

Tenisti italian i cili mban vendin e 72-të në klasifikimin botëror, kaloi pa vështirësi serbin, duke e mposhtur 3 me 1 me sete (6-3; 7-4 ;1-6 ; 7-6)

Cecchinato, 25 vjeç, nuk kishte fituar kurrë një ndeshje kryesore në një Grand Slam para Roland Garros të këtij viti.

Në gjysmëfinale Cecchinato do të përballet me tenistin austriak, Dominic Thiem.