French Open/ Thiem prish “magjinë” e Cecchinato, prek finalen e tij të parë Slam

“Magjia” e tenistit italian Marco Cecchinato është shuar në gjysmëfinalen e “Roland Garros”.

Pasi eliminoi në mënyrë surprizë ish-numrin 1 të botës, Novak Djokovic, 25 vjeçari italian ishte i pafuqishëm ndaj austriakut, Dominic Thiem, me këtë të fundit që prek finalen e tij të parë në turnetë Grand Slam.

Një takim që u vendos në 2 orë e 20 minuta lojë, me Thiem që fitoi 3-0 me sete (7-5; 7-6 ; 6-1).

Në finalen e së dielës, Thiem do të takohet me fituesin e çiftit Rafael Nadal-Martin del Potro.