Guardiola injoron Junajtid, mendon për përmbysjen ndaj Liverpulit në Champions

Mançester Siti këtë fundjavë do të luajë derbin e famshëm ndaj Junajtid, por me mendjen më shumë te sfida e kthimit në Champions ndaj Liverpulit. Një fitore e mundshme do të sillte edhe zyrtarisht titullin kampion për këtë sezon. Trajneri Pep Guardiola nuk e ka fshehur se po mendon më shumë për ekipin e Klop.

“Ne do të mendojmë për Ligën e Kampioneve menjëherë pas Junajtidfd. Duam të krijojmë ritëm të mirë. Liverpul është thuaje i kualifikuar për në gjysmëfinale. Por pak shpresë ka. Ne do të përpiqemi. Nuk ka dyshim që do të luajmë për fitore ndaj Junajtid, por gjithashtu një sy do ta kemi nga e marta. Çfarëdo që të ndodhë në derbi, ne kemi edhe 6 shanse të tjera.

Jemi 16 pikë para dhe kjo është diçka shumë e mirë. Është thuajse e mbaruar. Është njësoj si situata që ndodhet Liverpool”, deklaroi tekniku i Sitit.