Hazard nuk “ngre kokë”, has vështirësi dhe me të rinjtë e Realit

Një e kaluar e lavdishme, por një e tashme për t’u harruar. Eden Hazard ka rezultuar një dështim i vërtetë te Real Madrid. Mes dëmtimeve dhe paraqitjeve të dobëta, belgu nuk ishte në gjendje të konfirmonte cilësitë e admironin tek Chelsea, ndërkohë që tashmë është jashtë skuadrës me Carlo Ancelottin.

Gjendja e tij fizike është larg nga optimalja; siç raporton Relevo, sulmuesi ka pasur probleme dhe në sektorin e të rinjve ku së fundmi është stërvitur.

Hazard u shfaq në vështirësi të mëdha në duelin miqësor me 30 minuta lojë dhe duket se nuk ka gjasa që trajneri italian ta përfshijë në skuadër në ndeshjet që mbeten për t’u luajtur deri në fund të sezonit, ndoshta e fundit me fanellën e bardhë. /R.Lika-Koha Jonë/