Iniesta prezantohet para 8 mijë tifozëve në Japoni (VIDEO)

Andres Iniesta është prezantuar sot te skuadra e tij e re Visel Kobe. Japonezët e kanë pritur me shumë entuziazëm spanjollin pasi 8 mijë veta ishin të pranishëm në stadium. Me transferimin në J.League, ai u bë futbollisti më i madh që ka luajtur ndonjëherë në kampionatin japonez.

Te Visel Kobe, 33-vjeçari do të mbajë veshur fanellën me numër 8 dhe do të ketë shok skuadre gjermanin Lukas Podolski. Pas prezantimit përpara tifozëve Iniesta do të largohet nga Japonia për t’iu bashkuar kombëtares spanjolle me të cilën është i grumbulluar në Botërorin Rusi 2018.