Injoroi presidentin e Realit, publikohet video që konfirmon largimin e Ronaldos

Kristiano Ronaldo do të largohet këtë verë nga Reali i Madridit, teksa ky lajm sa vjen edhe bëhet edhe më i vërtet. Një video që qarkullon së fundmi në Spanjë ka hedhur edhe më shumë dritë në lidhje me të ardhmen e portugezit.

“El Chiringuito de Jugones” raporton se pas kthimit nga Kievi, Real Madrid bëri parakalimin para tifozëve në kryeqytetin spanjoll. Në skenën e ngritur ku ishin të gjithë pjesëtarët e klubit nuk mungoi as Perez, që i ka përshëndetur të gjithë duke i dhënë dorën, përveç Kristiano Ronaldo-s, pasi ky i fundit e shmangu.

Një gjest i pahijshëm i pesë herë fituesit të “Topit të Artë” karshi presidentit, i cili duket se nuk ia ka përmbushur kërkesat financiare për t’ia rritur rrogën po aq sa e Mesit te Barcelona. Kjo video tregon qartë se pas 9 vitesh bashkëjetesë plot suksese, Ronaldo dhe Real Madridi po shkojnë drejt ndarjes.