Inzaghi bën gati formacionin ndaj Juves, rikthehet i gatshëm edhe Brozovic

Simone Inzaghi ka pak dilema për formacionin e ndeshjes së të dielës kundër Juventusit. Acerbi dhe De Vrij është balotazhi i vetëm në mbrojtje.

Kundër bardhezinjve pritet të rikthehen titullarët që kanë koleksionuar 4 fitore në 4 sfidat e fundit në kampionat.

Onana në portë, Skriniar dhe Bastoni në mbrojtje, Dumfries, Barella, Calhanoglu, Mkhitaryan dhe Dimarco në mesfushë, ndërsa Dzeko dhe Lautaro në sulm.

I gatshëm për transfertën e Torinos është edhe Brozovic, që po stërvitet me grupin dhe nëse jep sinjale pozitive edhe sot, mund të grumbullohet për ndeshjen kundër Juventusit.