Jo vetëm Kulibalin dhe Higuain, Sarri do me ngulm edhe Hysajn tek Çelsi

Mauricio Sarri do të jetë trajneri i Çelsit, ku do të zëvendësojë Antonio Konten, me synimin për të luftuar për titull dhe për t’u rikthyer në edicionin e ardhshëm të Champions League. Londinezët i kanë premtuar një merkato spektakolare Sarrit, ku në krye të listës qëndrojnë Koulibali dhe Elseid Hysaj. Të dy mbrojtit janë të preferuarit e Sarrit dhe mund të transferohen në Londër për shumën e 120 milionë eurove, aq sa është edhe klauzola e tyre (50 për Hysajn dhe 70 për Kulibali).

Abramoviç është gati t’i sjellë trajnerit të ri edhe një sulmues me peshë, i aftë të shënojë më tepër se 20 gola në sezon. Higuain dhe Ikardi janë emrat që Sarri ka kërkuar, ndërsa argjentinasi i Juves duket më i mundshëm, sa i përket kostos së transferimit. Çelsi është gati të ofrojë Moratën dhe 20 milionë euro, për të marrë Higuainin në Londër, tratativë që mund të pranohet nga kampionët e Italisë. Ndërkohë klauzola e Ikardit është 110 milionë euro, dhe mund të arrihet transferimi me 50 milionë euro plus Moratën.