Juventus befason Interin, gati t’i rrëmbejë mbrojtësin më në formë

Juventus po mendon për të përforcuar mbrojtjen për sezonin e ardhshëm. Largimi i Lishtajner dhe Asamoah, e bëjnë të detyrueshme afrimin e dy mbrojtësve anësorë.

I pari është Spinacola, por ai do të mungojë për pjesën më të mirë të fazës së parë, ndërkohë që një dëshirë e hershme është Kanselo. Portugezi i huazuar tek Interi në sezonin që sapo u mbyll bëri një paraqitje shumë të mirë në fazën e dytë.

Zikaltrit e kanë të pamundur blerjen e tij për shifrën e 35 milionë eurove, ndërkohë që në orët e fundit duket se bardhezinjtë kanë shtuar presionin.

Dëshira e lojtarit është që të rrijë në Serie A. Kështu që klubet italiane janë të favorizuara. /Koha Jonë/