Juventus fiton me një super gol të Fagiolit ndaj Lecces (VIDEO)

Sporti E Shtunë, 29 Tetor 2022 20:00

Juventus merr një fitore të rëndësishme në kampionat, edhe pse me shumë mungesa në formacion. Pa 10 futbollistë të rëndësishëm, Allegri mori një triumf minimal 1-0 në transfertën ndaj Lecces.

45 minutat e para do të mbylleshin pa gola, edhe pse në fakt skuadra torineze do të ishte më dominuese. Në minutën e 73-të, Nicolo Fagioli tenton në hyrje të zonës me një goditje shumë të bukur që shkon në trekëndësh dhe më pas në rrjetë. Një ekzekutim i ngjashëm me golat e Del Pieros, i cili njihej për këtë stil ekzekutimi.

Në minutat e mbetura Juventus menaxhoi rezultatin, ndërkohë që Hjulmand do të ndalej vetëm nga shtylla duke mos arritur që t’i japë një pikë skuadrës vendase. Juventus ngjitet momentalisht në vendin e pestë me 22 pikë. /R.Lika-Koha Jonë/