Kalendari i javës së 10-të të Superiores, duelet luhen të shtunën dhe dielën

Sporti E Martë, 25 Tetor 2022 17:37

Java e 10-të e Kategorisë Superiore në fundjavë do të luhet të shtunën dhe të dielën. Sfida Teuta-Laçi, që ishte programuar të luhej të dielën në orën 16:45 është zhvendosur një ditë më përpara dhe do të luhet të shtunën në po të njëjtën orë. Ndërsa ndeshjet e tjera të kësaj jave mbeten të pandryshuara.

Vllaznia pret Erzenin në një duel shumë interesant, ndërkohë që Kastrioti do të hapë javën në duelin ndaj Bylis në orën 14:00.

Të dielën ndërkohë Egnatia pret Partizanin, ndërkohë që Tirana dhe Kukësi do të përballen në një ndeshje që pritet të dhurojë jo pak emocione në orën 16:45.