Kane entuziast: Nuk fitonim prej 60 vitesh në Itali, i nderuar për rekordet

Anglia fitoi 1-2 në Napoli përballë Italisë në takimin e parë të eliminatoreve të Euro 2024. Harry Kane realizoi golin e dytë për “Tre Luanët” dhe të 54-n personal me kombëtaren angleze.

Kapiteni kaloi Ëayne Rooney, duke u shndërruar në golashënuesin më të mirë në histori me Anglinë. 29-vjeçari ka vendosur edhe rekorde të tjera.

“Fitore e veçantë, pasi nuk festonim në Itali prej gati 60 vitesh. Ishte bërë kohë e gjatë që nuk triumfonim këtu ndaj tyre. Kjo ka rëndësi të madhe për mua dhe shokët e skuadrës.

Rekordi i golave? Jam i nderuar, kjo është një arritje e mrekullueshme. Faleminderit shokëve, stafit, gruas dhe familjes sime. Të gjithë atyre që më kanë ndihmuar të mbërrij deri këtu”, deklaroi Kane.